వృత్తి, వ్యాపారములు సులభమా?

ఈ రోజుల్లో అనేకమంది వృత్తి వ్యాపారములు నిర్వహిస్తున్నారు. కానీ అవి నిర్వహించటం అనుకున్నంత సులువు కాదు. దీని గురించి కొన్ని విషయాలు ఇప్పుడు చూద్దాము.

1. పెరిగిన జనాభాను అనుసరించి పరిమిత ప్రభుత్వ మరియు నిలకడ స్థిర ఉద్యోగములతో పోల్చుకుంటే ఎక్కువ మంది వృత్తి వ్యాపారముల మీద ఆధారపడతారు.
2. వీరిలో కొందరికి వేధింపులు ఉంటాయి.
3. ప్రతి రంగంలో ప్రవేశించిన ఆన్లైన్ వ్యాపారము వీరికి పోటీ.
4. ఏ రంగములో ఉన్నా, వీరి సేవకోసం వచ్చిన వారిని విసుగు లేని చిరునవ్వుతో కూడిన పలకరింపు అవతలవారిని ఆకర్షిస్తుంది.
5. సేవ కోసం వచ్చిన వారికి చెప్పిన గడువుకే మాట నిలబెట్టుకోవాలి. వాయిదా వేయరాదు.
6. వాదనలు చేయరాదు.
7. వ్యక్తిగత సంబంధములు దెబ్బతినకుండా చూసుకోవాలి.
8. వ్యాపార నిలకడ కోసం మొత్తం చేతులు మారితే ఆర్థిక ఇబ్బందులు వస్తాయి.
9. వీరి సేవ కోసం వచ్చిన వారు అనవసరముగా రెచ్చగొడితే సహనము పాటించాలి.
10. మీకు నష్టము లేని పద్ధతిలో నిజాయితీగా ఉండండి.
11. మీ తీరిక సమయములలో సేవా కార్యక్రమంలో పాల్గొని పరిచయమును పెంచుకోండి.
12. కొన్ని వ్యాపార సంస్థలు రద్దీగా ఉంటే కొన్ని ఖాళీగా ఉంటాయి. దానికి గ్రహబలం కారణమని కొందరు అంటే నిరాశ పడవద్దు వినూత్నమైన అమ్మకం పద్ధతుల గురించి ఆలోచించండి.
13. దేనికైనా మానవ ప్రయత్నము, నూతన ఆలోచనలు ముఖ్యమని గమనించాలి.
14. మీ సేవ కోసం వచ్చిన వారికి గౌరవము ఇచ్చి పుచ్చుకోండి.
15. మీ మాట తీరు మళ్ళీ మళ్ళీ రావాలని అనిపించే విధంగా ఉండాలి.
16. సమయమును బట్టి పట్టువిడుపులతో అమ్మకము సాగించాలి.
17. మొక్కుబడిగా షాపులో కూర్చుంటే అమ్మలేరు. మానవ సంబంధములు కూడా ముఖ్యమే.
18. చౌక రకమైన వస్తువులు కాక నాణ్యత గల వస్తువులు, సేవలు మాత్రమే అందించాలి.
19. వ్యాపారములలో అభివృద్ధికి వ్యాపార స్థలంలో గాని గల్లా పెట్టెలో కానీ ఇష్ట దైవముతో పాటు పసుపు కుంకుమ రాసిన నిమ్మకాయ, బుధ గ్రహ యంత్రము పెట్టి దానికి అగరుబత్తి రోజూ వెలిగించి నమస్కరించుకుంటే వ్యాపార అభివృద్ధి జరుగుతుందని కొందరు అంటారు.

                       శుభం

మాటే మంత్రము

మనం నిద్రలేచినప్పటి నుండి మన జీవితము మాటలతోనే ప్రారంభమవుతుంది. మాటకున్న శక్తి అనంతము. ఎవరినన్నా మంచి చేసుకోవాలన్నా, చెడు చేసుకోవాలన్నా మాటలకు మించిన ఆయుధం లేదు. 

భయము

భయము అనగా ఏదో చెడు జరగబోతుందని ఆలోచనతో కూడిన ఆందోళనగా అనుకుంటే, ఆ భయములో ప్రాణముపోతుంది అనే ఆలోచన ఉంటే ప్రాణభయము కలుగుతుంది. 

ఆ భయము మనని ఒక చోట కూర్చోనివ్వదు. నుంచోనివ్వదు. ఏ పనీ చేయలేము. భయములో అనేక రకాలున్నాయి. ప్రాణభయము, ఆర్థిక మూలముల దెబ్బ, అధికార భ్రష్టత భయము - ఇలా ఎన్నో. 

ఇలాంటి ఘటనల గురించి తెలుసుకుందాం. ఒక ఊరిలో ఒక కుటుంబము ఉండేది. ప్రస్తుతం ఉన్న ఊర్లో వారు కొన్ని ఏళ్ళుగా నివాసం ఉంటున్నారు. 

ఒక సాయంత్రం చీకటి వేళ ఆ కుటుంబ యజమాని నడుచుకుంటూ ఇంటికి వస్తున్నాడు. చీకట్లో కాలికి ఏదో మెత్తగా తగిలింది. ఇంటి యజమాని భయపడ్డాడు. ఏమన్నా విష జంతువు ఏమో అని అనుమానం కలిగింది. క్షేమంగా ఇంటికి చేరుకున్నాడు. కుటుంబ సభ్యులతో కలిసి ఆలోచించాడు. వారికి ఏమన్నా స్థిరాస్తులు ఉన్నాయేమో తెలీదు. 

తనకున్న మిగిలిన ఆస్తి విషయములు సర్దుకుని, పాముని తొక్కానని, దాని విషపు కాటుకు భయపడి నది ఒడ్డునున్న  ఊరు నుండి, నాటు పడవలో నది దాటి అవతల ఒడ్డున ఊరికి చేరాడు. 

అక్కడ నివాసం ఏర్పరుచుకుని జీవనోపాధి వెతుక్కున్నాడు. ఇది ప్రాణభయంతో చేసినా వారికి తోచిన పరిష్కారము. పాత ఊరిలో తన తరతరాల జ్ఞాపకాలు మర్చిపోవటమే. ఔరా! ప్రాణభయము ఎంత పని చేసింది.

ఇంకొక సంఘటనలో అది జిల్లాలోని వెనుకబడిన ఊరు. మెయిన్ రోడ్ కి దూరంగా ఉంటుంది. బస్సు దిగిన తర్వాత ఊర్లోకి రావాలంటే రెండు కిలోమీటర్లు నడిచి రావాలి. ఒక మిట్ట మధ్యాహ్నం వేళ సైకిల్ మీద ఇద్దరు వ్యక్తులు ఊరి బయట నుండి ఊరి లోపలకి వెళ్తున్నారు. 

కొంత దూరంలో ఎండ నీడ ఒకచోట నుండి మెరిసింది. ఏమిటా అని చూస్తే పెద్ద పాము రోడ్డు దాటుతూ ఉన్నది. సైకిల్ కి బ్రేక్ వేసి ఆపటము, పాము రోడ్డు దాటిన తర్వాత ఊర్లోకి బయలుదేరడం జరిగింది. ఇది పగలు జరిగింది. రాత్రిపూట అయినా రోడ్లమీద లైట్లు లేవు కనుక ఏ ప్రమాదము జరిగినా కష్టమే. సరైన వైద్య సౌకర్యం ఉండదు. 

ఈ సంఘటన జరిగినప్పుడు అక్కడ ఉన్నవారికి, తప్పిపోయిన ప్రమాదమును ఊహించుకుంటే, భయంతో నాలుక పిడచగట్టుకుపోతుంది. అక్కడే ఉన్నవారికి, చూసినవారికి గుండె జల్లుమంటుంది.

ఇంకొక సంఘటనలో ఇంకో పల్లెటూరులో జరిగిన విషయం. అర్ధరాత్రి దాటిన తర్వాత ఊరి బయట నుండి రెండు కిలోమీటర్ల లోపలకి ఒక పోలీసు అధికారి మోటార్ సైకిల్ మీద వెళ్తున్నాడు.  ఊరు చేరే లోపల ఒక పాముల పుట్ట ఉంది. దాని నుండి ఒక పాము బయటకు వచ్చింది. రోడ్డు మీద జనము లేరు. ఒంటరిగా వెళ్తున్నాడు.

తన రివాల్వర్ తో పామును కాల్చాడు. పాము చనిపోయిందో, లేదో తెలీదు. ఊర్లోకి వచ్చేదాకా ఆదుర్దా. ఆ తర్వాత సంగతి తెలియదు. భయంతో ఉన్నప్పుడు మనసు ఒక చోట నిలవదు.

ఇంకొక సంఘటనలో ఇంకొక ఊరిలో అర్ధరాత్రి ఇంటికి మోటార్ సైకిల్ మీద వెళుతున్న ఒక అధికారి కుక్కలు వెంట పడగా భయముతో అదుపు తప్పి కిందపడి గాయములై మరణించడం జరిగింది.

స్మశానములో భయము

నాకు 13, 14 ఏళ్ళ వయసులో ఒంటరిగా స్మశానమునకు వెళ్ళవలసిన పని పడింది. వెళ్లిన తరువాత వర్షం మొదలైంది. చీకట్లు కమ్ముకున్నాయి. స్మశానములో ఒంటరిగా ఉండటం జరిగింది. ఎలా బయటపడతానోనని ఎంతో ఆదుర్దా చెందాను. రెండోరోజు భయంతో జ్వరం కూడా వచ్చింది. కానీ ఆ తర్వాత నుండి శవాలను చూసి భయపడటం మానేశాను.

పనిలో పనిగా పరీక్షిత్తు మహారాజు జీవితంలో జరిగిన సంఘటన గురించి జ్ఞాపకం చేసుకుందాం. మహారాజు వంశంలోనివారు అడవికి పోయి, వేటలో అలసి ఒక ముని ఆశ్రమునకు పోయి, అక్కడ తపస్సు చేస్తున్న ముని తనను ఆదరించలేదనే కోపంతో పక్కన చచ్చిపడి ఉన్న పాముని ముని మెడలో వేసి రాజ్యానికి వెళ్ళిపోయాడు. 

ముని కుమారుడు వచ్చి తండ్రికి జరిగిన అవమానానికి కారణమైన రాజుని పాము కాటుతో మరణించుతాడని శపించాడు. ఇందులోని సూక్ష్మము ఏమిటంటే అవమానము సర్ప జాతితో జరుగుట, అదే జాతితో రాజు మరణించుట, దీనిని ప్రకృతి ధర్మముగా భావించాలి. రాజు ప్రాణ భయంతో సముద్రం మధ్యలో నివాసం ఉండి భగవన్నామ స్మరణలో ఉండి పాము కాటుకు మరణించటం జరిగింది.

చరిత్రలో అధికార పార్టీ వారు అధికారం కోల్పోగానే, కొత్తగా అధికారంలోకి వచ్చిన వారు అవతల వారి ఆర్థిక మూలములపై బెదిరించి, పార్టీలు మార్పించడము భయము యెక్క ఒక పరిణామముగా కొన్నిచోట్ల జరుగుతుంది. 

కరోనా నేపథ్యంలో ఉద్యోగుల తొలగింపు భయం. ఆస్తిపరుల కంటే పూర్తిగా ఉద్యోగం మీద ఆధారపడిన వారు పడే భయాందోళనలు ఎక్కువగా ఉంటాయి. 

ఒకసారి, మా మేనమామ ఉద్యోగం కోల్పోయి ఏడేళ్ళు ఇబ్బంది పడినప్పుడు బెంగాల్ కు చెందిన ఒక మహాత్ముడు కుసుమ హరినాథ్ బాబా దయతో బంధువుల ఆదరణ, బాధ్యతల నిర్వహణ నెట్టుకొచ్చిన వైనం నా జీవితంలో మరపురాని విషయముగా మిగిలింది. 

ఇలాంటి పరిస్థితులలో కొందరు మహాత్ములు లేక దైవ స్వరూపుల అభయము, 'భయమేలా నేను మీకు అండగా ఉన్నాను' అన్నమాట మనకు కొండంత ధైర్యం ఇస్తుంది.

            భయమా జిందాబాద్!

ఇంటింటి పద్ధతులు

ఇంటింటికి పద్ధతులు వేరుగా ఉంటాయి. అలా మా మేనమామ గారింటిలోని, వారి చుట్టుపక్కల కొన్ని ఇళ్ళ వారి పద్ధతులను గురించి మీతో పంచుకుంటున్నాను.

నమ్మకము - నాటు వైద్యం

ఇప్పటికీ నాటు వైద్యం మీద నమ్మకం ఉండి, దాన్ని చేయించుకునే వారు కొందరు ఉన్నారు. 

నాకు అన్నీ తెలుసు

ఈ భూమి మీద కొందరు నాకు అన్నీ తెలుసు అని అనుకుంటారు. అది నిజం అనుకున్నా ఈ భూమి మీద ఎన్నో విషయాలు ఉన్నాయి. అన్నీ అందరికీ తెలియవు. తెలిసినవి కొన్ని అయితే, తెలియని విషయములు చాలా ఉంటాయి.